जानेवारी 2026 चा अंदाज ; शेतकरी मित्रांनो, जानेवारी २०२६ च्या सुरुवातीला हवामानात कोणते बदल होणार आणि मान्सून २०२६ ची स्थिती कशी असेल, याबद्दल हवामान अभ्यासक तोडकर यांनी अत्यंत महत्त्वपूर्ण माहिती दिली आहे. सध्या कडाक्याची थंडी असून शेतकऱ्यांमध्ये चिंतेचे वातावरण आहे, परंतु १ जानेवारीपासून ही थंडी कमी होऊन उन्हाचा चटका वाढणार असल्याचे त्यांनी सांगितले आहे.
जानेवारीतील हवामान आणि पिकांची काळजी तोडकर यांच्या अंदाजानुसार, २८ डिसेंबरपासूनच थंडीचा प्रभाव कमी होण्यास सुरुवात होईल आणि १ जानेवारीपासून महाराष्ट्रात उष्णतेचे वातावरण निर्माण होईल. या काळात विशेषतः मराठवाडा, विदर्भ आणि पश्चिम महाराष्ट्रात ढगाळ वातावरण राहण्याची शक्यता आहे. ३१ डिसेंबर आणि १ जानेवारीच्या दरम्यान धुके आणि ढगाळ हवामानामुळे कांदा, तूर आणि हरभरा पिकांवर बुरशीचा प्रादुर्भाव होऊ शकतो. त्यामुळे कांदा उत्पादकांनी १ जानेवारीच्या आतच प्रभावी बुरशीनाशकाची फवारणी करून घ्यावी, असा सल्ला तोडकर यांनी दिला आहे.
